رواية اتحداك كاملة جميع الفصول بقلم سولييه نصار

للبيدة وتحتفظ بإسم الاب !
كارم بقا يتمرد عليا يا شيخنا ...انت حصل لعفاريتك ايه !!
بصلها الدجال وقال
انتي عارفة يا هانم ان جوزك اخد علي السحر وخلاص فيه حاجات مبقتش تنفع معاه لازم نعمله سحر اقوي ...يعني فلوس اكتر ...
بصتله سميرة ببرود وقالت
هديك اللي انت عايزه بس المهم كارم يبقي خاتم في صباعي ...
دخلت سميرة البيت وهي معاها القزازة وخفياها كويس ...ابتسامة شريرة كانت علي شفايفها....يااه أخيرا هترجع تسيطر عليه الايام اللي فاتت كارم بقي متمرد بشكل غريب لدرجة انها شافته ليحاول يتواصل مع كريمة بس هي اللي صدته ...بس سميرة مكانتش تعرف ان الدجال كان بيستغل سذاجتها عشان ياخد منها فلوس زيادة ....بهتت سميرة فجأة وهي لاقية بنتها مفحومة من العياط ...جرت عليها پخوف وهي بتقول
مالك يا بنتي !
بصتلها سهيلة وقالت
سابني يا ماما قبل فرحنا بخمس ايام ...عصام سابني واهانني كمان ...
وش سميرة احمر من الڠضب وهي شايفة بنتها بټموت قدامها ...بس طلعت القزازة من شنطتها وقالت
خدي دي 
ايه دي يا ماما ...
ابتسمت سميرة بشړ وقالت 
دي حاجة لو عرفتي تشربيها لعصام هيبقي خاتم في صباعك زي ما ابوكي بقا خاتم في صباعي....
بصتلها سهيلة پصدمة وقالت
انتي بتعملي سحر لبابا يا ماما ...
ده حقي يا عبيطة ... حقي ان ابوكي يرجع ويبقي خاتم في صباعي زي ما خانني زمان واتجوز الحرباية كريمة اومال انتي فاكرة رجعلي ازاي بعد ما طلقني ...
بهتت سهيلة تماما فقالت سميرة
متقلقيش يا قلب امك هنرجعه زاحف علي رجليه ....
من بعيد كان واقف كارم وهو مذهول من مراته الشيطانة بس كان خلاص اخد قراره ...
يا ماما جواز ايه بس دلوقتي ...خليني اخد وقتي واتعافي عشان اقدر ادخل حد تاني حياتي ...
قالتها لبيدة لامها اللي قالتها علي طلب وليد اللي كان عايز يتجوزها ...هي مكانتش عايزة تظلمه ...لازم تنسي عصام نهائيا عشان تقدر تدخل انسان جديد حياتها ...
مرضتش كريمة تضغط عليها ...هي واثقة ان بنتها هيجي يوم وتوافق علي وليد...بس مش دلوقتي
تاني يوم ...
كنت ماسك دعوات الفرح وعينيا بتلمع بفرح ...شمتهم بهوس وانا بفكر ان لبيدة خلاص هتكون ليا وللابد ...أكيد هتطير من الفرحة لما تعرف اني لغيت جوازي من سهيلة ..أكيد....اخدت الدعوات ورحت بيتهم عشان ابشرهم بالخبر وانا في قمة حماسي ...ركبت عربيتي وكنت ماسك الدعوات بإبتسامة ...وصلت في ظرف نص ساعة وروحت علي بيتها....
ايه اللي جابك!
قالتها لبيدة ليا وهي مصډومة ...
ابتسمت ليها وانا بقول 
طيب ممكن ادخل الأول ...
في عينيها ظهر الرفض ولكن جات والدتها وقالت بحزم
عايز ايه تاني !
ابتسمت وقولت
انا جاي عشان افرح لبيدة واقولها اني سيبت سهيلة وهتجوزها ...
بصتلي لبيدة وكأني مچنون بس امها ضحكت وقالت
هو انت معرفتش يا حبة عيني ...لبيدة هتتخطب لوليد ابن اختي !!
يعني ايه !!
صړخت بعصبية وانا ببص للبيدة ...حسيت لبيدة اتوترت بس سكتت ....وشي احمر وحسيت اني الدنيا بتدور بيا .....لقيت كريمة قالت بحزم
يعني خلاص يا عينيا انسي لبيدة وطلعها من دماغك والا والله يا عصام انا اللي هقفلك واديك علي دماغك ...بنتي خط احمر اياك تقرب منها تاني وبما أنك فسخت خطوبتك يبقي خلاص هي ملهاش شغل معاك ...ومتقربش منها .. 
وبعدين قفلت السكة في وشه ...حسيت جوايا بركان ووشي سخن اوووي مكنتش مصدق ان ده يحصل معايا أنا اني اترفض !!!أنا ارفض لكن مترفضش ...كنت متغاظ اوووي لدرجة كان نفسي اكسر الباب واقتل كريمة بس نزلت تحت بسرعة وانا بسوق عربيتي بسرعة كبيرة ...وكلمات كريمة بتتردد في مخي عن ان بنتها هتتجوز ...ده بعدهم ...محدش هياخد مني لبيدة ...لبيدة لاما تكون ليا او ټموت لكن ترتبط بغيري ده مش مقبول ابدا ...وقفت العربية وانا بنهت وقررت خلاص ...الفرح هيتعمل في ميعاده ولبيدة ستكون ليا مش هسمحلها ترتبط بحد هي مينفعش تبص لحد تاني غيري ومفروض تشكر ربنا اني اصلا هرجعلها ...ابتسمت وانا بوصل للي هعمله ...وقررت اروح عند صاحبي عشان افضفض شوية ..
كانت سميرة واقفة في المطبخ بتجهز العصير وبتطلع القزازة وهي مبتسمة وفجأة كارم مسك ايديها وقال 
سحر ...بتلجأ للكفر 
بصتله سميرة پخوف فضربها كارم بالقلم وقال 
ډمرتي حياتي وخلتيني