قاعده فالبلكونه كالعاده
– مش راضي يقولي انها كويسة ولا راضي يتكلم انا لازم اعرف بنفسي ان ماما كويسة
قال الدكتور * البقاء لله
– انت بتقول ايه ؟ ماما عايشة بطل هزارك التقيل ده
* يا سيلين …
– اسكتي اخرسي اوعي تقولي الكلمة دي اياكي تقوليها ماما عايشة وهتشوفوا انا هدخلها وهي لما تعرف اني معاها هتصحى انا متاكدة من كده
– ابعدوا عنيييي
ضربت باب الاوضة برجلي ودخلت لقيت الممرضين بيغطوا وش ماما بالملاية
– لا مستحيل انتوا بتعملوا ايه ؟ بتغطوها ليه كده
– ابعدوا عنها
بعدتهم عنها وشلت الغطا وقعدت ابوس في راسها وايدها
– يا ماما ارجوكي اصحي
جم الممرضين يبعدوني ف صرخت وقولت
جات شدتني اسراء
– ابعدي ابعدي عايزة اقعد معاها
اخدوا ماما قدام عيني ومشيت ! ماما ماتت !
فضلت اصرخ بصوت عالي جدا واكسر في كل حاجة قدامي جالي انهيار عصبي شديد
جه الدكتور مسكني اداني حقنة مخدر ف فقدت الوعي
سيف صحي من نومه على مكالمة تليفون
= فيه ايه يا مصطفى في حد يتصل على حد دلوقتي !
* …….
قام سيف من سريره مخضوض
= نعم بتقول ايه ؟
= ماشي يا مصطفى اقفل دلوقتي
قفل سيف تليفونه وحس ان قلبه بيوجعه وحس بضيق جواه
قام شرب مية واخد نفس عميق وقال بعصبية
ابو سيف جه من سفره وجاي عنده
دخل سيف المطبخ مسك الس،ـكينة وبيقطع الخيار
= هقابلك ازاي كأن مفيش حاجة حصلت والمفروض ابتسملك واخدك في حضني قد ايه انت بجح والله ايه اللي جابك !
اتع@صب سيف اكتر ومن غير ما ياخد باله ضغط بالس،ـكينة على ايده لغاية ما ايده نزفت دم ف لاحظ
= يووووه يخربيت كده
غسل ايده وجاب قطن وشاش ومطهر قعد يربط ايده
قاعد في الصالة على الانتريه بيربط ايده بعصبية ف لقي سيلين قاعدة جمبه وبتقوله
– مالك ؟
= مش طايق نفسي
– ليه ؟
= اهو كده انا كده دايما مش طايق نفسي بعدين عادي انا اتعودت ف متسأليش عن السبب
طبطبت على ضهره وقالت
