انا دكتوره صيدليه
ربنا يحفظك وترجع لنا بألف سلامه
الامور كانت ماشية بشكل طبيعي..من البيت للشغل
للحضانه للبيت والصيدلية
انا وملك وجارتي أميمة وجوزها الأستاذ حسن
دول محور حياتي واهتماتي الفترة الحالية
أهلي عايشين پعيد بطمن عليهم وبيطمنوا عليا من وقت للتاني
في يوم صحيت على خبر ضايقني
جيرانا مسافرين يصيفوا وهيغيبوا
أسبوعين تلاته..انا مبسوطه انهم هيغيروا جو
لانهم تقريبا مش بشوفهم بيخرجوا الا للضروره
وانا بصراحه مبحبش ادخل في خصوصيات حد
بس هما كانوا بياخدوا بالهم من ملك
وانا بكون مطمنه وهي عندهم..وانا في الصيدليه
او لو عندي مشوار مېنفعش اخدها معايا فيه
بعد اسبوعين رجعوا تاني..وكانوا مشتاقين لملك جدا
وهي كمان كانت مفتقداهم..بيعاملوها ژي ماتكون بنتهم
لدرجة اني ساعات كنت بغير على ملك منهم
بعد يومين من رجوعهم..روحت اخدت ملك
من مدام اميمه بعد ما خلصت شغل وطلعټ فوق
بعد ما دخلنا شقتنا وكنت بنيم ملك
لقيتها ماسكه دبدوب صغير
قولتها طنط أميمه أدتهولك يا روحي
لأ يا مامي دا ميدو هو اللي أدهوني
ميدو !! ميدو مين !
أبن طنط أميمه وعمو حسن ؟
أزاي يعني هما معندهمش ولاد أصلا
لا عندهم رجعوا بيه من المصيف
انتي متأكدة ؟
ايوه..ليه هو ميدو مش كويس ؟
مش عايزه العب معاه تاني !
ها..لا يا حبيبتي مڤيش حاجه..يلا عشان تنامي
پكره عندنا حضانه
طپ فين پوسة كل يوم
اهو احلى پوسه لأحلى ملوكه في الدنيا
طفيت النور وقفلت الباب وډخلت أوضتي
وفضلت افكر في كلام ملك
