ليلي ببراءه وطفوله..يعني يعمو لو اديتك هتوديني لماما المستشفي

انت في الصفحة 2 من 20 صفحات

ياخدها معاه الجيم عشان متقعدش لوحدها في البيت واخد عليها اوي في اليومين دول . كانو هما الاتنين بيعملو غدا في في المطبخ ورن جرس البيت
علي..لولو متجيش جنب الڼار علي ما افتح و ليلي..حاضر .راح فتح علي الباب وكانت امه وبنت خالته لين وهي عندها 19 سنه وبتحبو وامو علي عاوزه تجوزو ليها لين جريت عليه حضنته..وحشتني اوي يعلي الام رضوى..عامل اي يحبيبي . علي جاي لسه يتكلم خرجت ليلي من المطبخ وشافت لين حاضنه علي كدا اتغاظت اوي ليلي بعصبيه بطفوله..مين دي يعلي .. رضوى ولين بصو لبعض باستغراب..مين دي يعلي ..

مين دي يعلي..مين دي يعلي علي نزل
ايد لين من عليه اللي كانت لسه حاضناه وساب امو ولين وراح لليلي اللي كانت واقفه كدا ومتغاظه من لين اوي ونزل لنفس مستواها علي بهدوء..ليلي حبيبتي انا هدخل بس اتكلم مع ماما ونتي شايفه الكرسي اللي هناك دا..روحي اقعدي عليه لحد ما اجي
ليلي..حاضر هسمع الكلام وراحت فعلا قعدت عالكرسي كانت امو ولين واقفين كدا هيتجننو مين دي ولي بيعاملها كدا ..

علي..امي ممكن بس اتكلم معاكي شويه ..
رضوي..ماشي..تعالي ندخل الاوضه . فضلت واقفه لين تبص ليها كدا بقرف لكن ليلي مهتمتش وراحت لين قعدت عالكرسي اللي قصادها لين پحده..انتي مين يبت انتي سكتت ليلي ومردتش عليها وقعدت تلعب في ضوافرها لين..هو نا مش بنادي عليكي . ليلي..انتي قليله الادب لين بشهقه..ينهارك اسود انا قليلة الادب ليلي..لما تحضني واحد كدا تبقي قليلة ادب وكمان لما تزعقيلي بردو تبقي قليلة ادب

بصتلها لين كدا و .. دخل علي هو وامو . الام..لا يبني ازاي يعني نعيش عندنا واحده غريبه كدا مينفعش علي..يعني بعد كل اللي حكيتهولك دا عاوزاني اعمل اي اطردها .. الام..يبني انا مش عارفه بصراحه اقولك اي . علي..امي هو كان المطلوب مني اي .اني اسيبها في الشارع في وقت زي دا وامشي سامحيني اهلي مربونيش علي كدا الام..علي ..

اهدي ونت بتكلمي فاهم..طب فهمني هنقول للناس عليها اي . علي..هنقول انها بنت عمي اللي عايش في البرازيل وهو كدا كدا مش بينزل مصر .. الام..طب وتعليمها وبطاقتها وكل دا هنعمل فيه اي .. علي..امي لسه بدري اوي عالكلام دا بس انا يعني مرتب كل حاجه..
عندي واحد صاحبي اكبر مني شغال في السجل المدني..هخليه يخلصلي الورق دا كلو ونتي عارفه ان عمي عمره ما هيرجع البلد وكمان مخلفش .يعني متقلقيش الام..يعني هي خلاص هتفضل عايشه معانا هنا ..

علي..يا أمي انتي مخلفتيش بنات..اعتبريها بنتك وهي والله كيوت جدا ومفيش أطيب منها وبجد عسل اوي وبتتكسف وفجأه سمعو صوت لين بتصوت خرجو بسرعه من الاوضه لقو ليلي فوق لين وعماله تضر ب فيها وبتشدها من شعرها اوي والغريبه ان لين مش قادره عليها وليلي بتضربها اوي ..جري عليها وشال ليلي من علي لين وليلي مش راضيه تسكت وبتحاول تنزل من علي دراعه مش عارفه الام..هي دي اللي طيبه وكيوت ..وجريت علي لين وشالتها من عالارض لين بتمثل الۏجع..دي اكيد بنت من الشارع اخلاقها اخلاق شوارع خالص كانت لسه ليلي ع دراع علي وبتحاول تنزل..انا من الشارع يا قليلة الادب علي حط ايده علي بوقها وماسك نفسو من الضحك..اسكتي بقا يليلي عيب كدا تعالي معايا .واخدها ودخلو المطبخ لين..انا مش ممكن اقعد هنا تاني انا لازم ارجع بيتنا مين الحيوانه دي رضوي..بت يلين

انتي هتتغاظي من بنت صغيره اد ركبتك ..دي بنت لقاها في الشارع..مش عارفين أهلها فين لين..لا يخالتي..انتي تحكيلي بقا كل حاجه بالتفصيل .. دخل علي وليلي المطبخ وحطها عالرخامه وحط ايده عالرخامه حوليها علي بهدوء..بټعيطي لي بس دلوقتي ..
ليلي بعياط بطفوله..انا بنت شارع . علي بحنيه..انتي دا انتي اجمل بنت شافتها عيني والله ليلي..طب هي قالتلي كدا علي بيهزر معاها..هي بس متغاظه منك عشان انتي احلي منها..وكمان عشان انا سيبتها وجيتلك انتي ليلي وضر بتو في كتفو بطفوله..ونت بتحضنها لي..
مش عيب كدا يعني علي..لا عيب بس انا وهي يعني متعودين لما نتقابل بنحضن بعض ..
ليلي..لا متعنلش كدا تاني عشان عيب علي بضحكه..حاضر .حاجه تانيه . ليلي بابتسامه طفوليه جميله..ماشي . علي..تعالي بقا نكمل الغدا عشان ناكل ونروح الجيم .. ليلي بفرحه..انا بحب اروح الجيم اوي معاك انت ويحي .. علي بابتسامه..طب يلا بينا بقا عشان منتاخرش علي الواد يحي ويقعد يزعق ليلي بابتسامه..يلا وشالها نزلها عالارض وبدؤا يخلصو الاكل . عند لين ورضوي
لين بغيظ..يعني هي هتفضل قاعده معاكو هنا ..
رضوي..متعقلي بقا يا لين دي عيلة صغيره..انا جايباكي هنا عشان تركزي مع علي وبس..عاوزا ياخد بالو منك ويحبك بقا . لين..بس هو مش عاوز يتجوز دلوقتي رضوي..طبعا .هو لسه معندوش فلوس يبنتي .هو شغال كوتش في الجيم وبيقبض من الجيم واللي بيقبضو بيصرفو عليا انا وهو وغير بقا معاش ابوه الله يرحمه..انتي عارفه انو كان شغال في بنك..فهو لو اتجوز دلوقتي هيصرف عليكي منين . لين..انا بردو لسه بدري ع كليتي ما تخلص انا لسه في أول سنه رضوي..ادعي بس بعد ما يخلص يفتح شركة البرمجيات اللي هو نفسه فيها وبعدها تتجوزو علطول .. لين..يارب يخالتي بقا ..شويه وخرج علي هو وليلي ومعاهم الأكل وحطوه عالسفره .. علي..يلا يجماعه تعالو بقا ..وراحو قعدو كلهم وبداو ياكلو .. لين..عامل اي يعلي .. علي..الحمدلله ونتي اي اخبارك . لين..كويسه ..بس الكليه صعبه شويه عليا علي..معلش عشان بس اول سنه شويه وهتاخدي عليها . ليلي..علي هو نا مش هروح مدرسة علي..متقلقيش يحبيبتي انا بس عاوز اعرف اسم المدرسه اللي انتي كنتي فيها اسمها اي ليلي..اسمها علي..حلو انا بقا هروح اسحب الملف بصفتي ابن عمك .بصي بقا من النهارده انتي بنت عمي ماشي ليلي..ماشي لين مكانتش طايقه ليلي خالص وعماله تبصلها قرف ..رن فون علي .. علي..ليلي..روحي هاتي الموبايل من الاوضه اكيد يحي نزلت ليلي وجريت عالاوضه جابتو وجات علي..الو ..متزعقش ياض انت لسه مقولتش من عالسرير اصلا اشطا .نص ساعه وهاجي انا وليلي يلا باي ..
بصو رضوي ولين لبعض كدا انو هياخدها معاه كمان علي..يلا يليلي عشان نلحق ليلي بحماس وفرحه لأنها بتحب تروح اوي معاهم..يلا ..وجايين يقومو . لين..متسيبها معانا يعلي انهارده عاوزين نتعرف عليها وكدا ولا اي يخالتي . رضوي..اه ياريت يعلي .نتعرف عليها .. ليلي مسكت في ايدو اوي..لا انا عاوزه اروح مع علي لين بتقنعها..عشان خاطري..انا بجد نفسي اتعرف عليكي..وهحطلك ميكب ولبس من عندي..بدل تيشرت علي دا ليلي وبدأت تقتنع. هتحطيلي ميكب .. لين..اه . ليلي سابت ايد علي..خلاص روح انت ونا هقعد معاها . علي بابتسامه..ماشي يحبيبتي انا هدخل بقا اغير هدومي ودخل فعلا وجاب شنطته وكان لابس تيشيرت كت واسع من بتوع الجيم بارز عضلاته..انا ماشي..عاوزين حاجه الكل..سلامتك علي راح لليلي ونزل لمستواها..عاوزه حاجه يليلي ليلي..سلامتك .
علي..بقيتي تقولي سلامتك .متاكده انك